Lirik Lagu

LIRIK LAGU KARO - Gundaling Berastagi

Gundaling Berastagi

gundaling berastagi lau kawar inganta ndube gawah-gawah
seh ka menda wari sabtu malam minggu kuinget kena nande karo
ndekah lah gia pagi kutimai kerehen kena mesayang
suratndu lah gia pagi ikirimkenndu nambar-nambari ateku tedeh

gundari kam nggo ndauh pekepar
lawti simbelang nirangken kita duana
i kota bandung aku sekolah nindu agi
tutus erlajar inget kal aku ningku man bandu

Rudang Mayang

o rudang mayang
jilena la teralang
batangna melendang la terpandang

o rudang mayang
jilena la teralang
buahna megara la terjaka

oh rudang mayangku la nggo melus
salsali matawari
oh nande tiganku la nggo meruntus
ija kena gundari

oh rudang mayang
jilena la teralang
batangna melendang la terpandang

Terbeluh Nuri-Nuri

enca nggo ndekah karo kita ersada

nggo erbunge kekelengenta bage duana la kuarap ndube

bagenda nggo jadina

geluhku mesera karoku bena-benana

serbut ukurndu teridah bas ayondu

iluhndu e sinuriken isi pusuhndu

lasenang nande ribu bage kel nindu sayangku

lanai lanai mama karo teraloi aku

apusi dage iluhndu e …

apusi mama karo ula kam ngandung

sada kel ngenca si kupindoken man bandu

terbeluh kam karo nandangi bibi

gelah ersada pagi kita duana

alo-alona aku jadi permenna

sila pepagi bagi ukurna

terbeluh kam kaka nambur-namburisa

apai pepagi kurang payona

beluhndu pagi turang i je ngerana

Pedah Man Ate Ngena - lirik lagu karo

Pedah Man Ate Ngena
Asmahera br Sinulingga

ateku ngena ndube man bandu
bagi kababa nandangi bunga
ateku keleng bage man bandu
bagi nande engkelengi anakna

bayu si nggo ku bayu
ula kel pagi i osarindu
bapa nande nggo tek man bandu
ula pagi persilahangndu

bagem pedahnku man
bandu ma biringku
ula kel pagi ergan
sembung asangken sekinna

bagi sura si kutenahken
man bandu ….
ula kel pagi ergan serpi
asangken kekelengen

iah aloi aloi kel aku
biring mama biringku
sinuan sinuan bide
kap si njagaisa

iah aloi aloi kel aku
mesayang metami …
sangap encari nande karo e
bage kel nge pagi si engkelengisa

LIRIK LAGU KARO - Si Kacang Koro

KACANG KORO

cike lambang bungana ari turang nde lada jera

gula batuna ari turang nde lada jera

gula batuna ari turang turang

cike lambang bungana ari turang nde lada jera

gula batuna ari turang nde lada jera

gula batuna ari turang turang

o sikacang koro ari turang turang o sikacang koro

o sikacang koro ari turang turang o Si Kacang Koro

Ola … kata turiken ari turang kerna arihta

sidua dua mesayang aminna gia lepak perdalan ari turang-turang

o si kacang koro ari turang-turang o si kacang koro

kai … denge-dengendu turang makana kam berjut nari ari turang

kai kel.. salah lepakku turang makana kam melewas nari

ajari aku ajari aku ari ajari aku ajari aku ari turang-turang

o si kacang koro ari turang-turang o si kacang koro2x

labo kam kuelokken karo bage menindu ngaloi aku ari turang

labo kam kutadingken karo bage menindu aloi aku aloi aku aloi aku ari turang-aloi aku aloi aku ari turang-turang

o si kacang koro ari turang-turang o si kacang koro2x

LIRIK LAGU KARO - MBIRING MANGGIS (Cipt: Tumtam Tarigan)

Mbiring Manggis

Tangtang jumpa aku ras kena
Tangtang ngerana ras mbiring manggisku
Bagi nipuko aku senembas
Gagap kel aku erbelas bandu
O mbiring manggisku...

Perban sangkutna ukurku bandu
Bagi lau mbelin mbura ku pusuhku
Em dalanna ku lambiar-mbiar
Nuriken kata surang-surangku
O mbirin manggisku..

[**]
O turang.... o mbiring manggis ku ... ooo...
Mbiring-mbiring seh kel tebunaa...
Mbiring-mbiring tambah jilena
Mbiring menggoda cirem tambah ngenana
O mbiring manggisku...

Mbiring-mbiring tambah jilena
Mbiring menggoda cirem tambah ngenana
O mbiring manggisku..
kembali ke [**]

Beras Piher

Tangis teriluh kela kau oh turang
Pusuh mesui getem la teralang
Perbahan kena turang kusayangi
Si ateku ndube inganku cicio

Ranandu bangku seh kel ulina
Ngarap mama karondu, arihta ersada
Tapi gundari tading kal aku dungna
Ngapusi ilih pe lanai lit malemna

***
O turang besan nande ribu
Kuja kel aku lawes pepagi
Nerapken bana ras ateku mesui
Entah lanaibo
Banci jumpa ras ateku ngena
Si bali sambar kena
Ngapusi iliuh karo, maka karondu

***

Nande nangin aloken min dage
Tenah tedehku bandu la ermasap
Em beras piher tanda ateku ngena |
Ras pasu-pasu man bandu duana | 2x

LIRIK LAGU KARO - Sarudung Erdoah-Doah

berikut lirik lagu karo
dengan judul:sarudung erdoah-doah
bagi yag suka dengan lagu ini
silahkan lihat lirik nya
dan silahkan juga untuk menyanyikan lagu nya
_______________________________________

________________________________
Sarudung Erdoah-Doah

lengetna e turang risona e
nimai-nimaisa turang kemulihenndu
ndigan warina kena mulih ku kuta
gelah kueteh agi ngalo-ngalosa

* dalan siapai turang serpang siapai
sikudalani turang nande tigan
makana banci kita jumpa mulihi
bage jine ukurku suari berngi

kutatap tare turang jambur terulang
kuidah sarudung paksa erdoah doah
natap iluhna erdire mambur terisak
nde nginget2sa pusuhku arihta sirang *

nggo gia turang nande tigan
kena lawes agi nadingken aku
ulih-ulihi pagi mama karondu
ku jaranguda ingan kemulihenndu

Mbaba Kampil

[dilaki]

Enda reh temanku simaba kampil

Ate kami reh ngelegi kena

Sendah ola kami kari la tampil

Adi la tampil keri nge suina

[diberu]

Adina ue nina enggo padanta

Sipersada arihta duana

Sendah tudung ngarakken bulang bulang

Seh tunggungna adi kita makesa

Turang nguda... ku kelengi...

Gelahna ula kel tersia

Gelahna ula.. ula aku la tampil

Adi la tampil keri kel suina

[dilaki]

Aku pe ue ningku sekali enda

Ota berkat dage kita duana

Gelah metunggungung tatapen kalimbubu

Adi ersada arihta duana

Gelah ersada arihta kerina

LIRIK LAGU KARO SETIA SAMPAI AKHIR

Setia Sampai Akhir

Rasa lalap kam kukelengi,

rasa lalap mesayang kam kusayangi...

Sipagitna ras sintebuna,ras kal kita ngenanamisa...

Bage duana...

Kune serbut tangkelenndu,

aku singelayasi pusuhndu...

Emaka nande nangin,ulanai dua ukurndu...

reff:

Bagi lau simaler mesayang...

Ibas uluna nari...

Gia ia medermet per rehna...

Tapi lalit ngadina...

Bagem ukurku bandu nde nanginku...

Ula isangsikenndu...

Adi mama karondu mesayang...

Kena ngenca punana

Gia uruk siman bentasen,

lawit gia turang siman keparen...

Ukurku lanai bo ngobah...

Aku setia sampai akhir

Tugu Monas - Antha Prima Ginting

Medan ras Jakarta...
Eme erbanca kita duana
nggo sitedehen biring...

Nande biring...
Idola pusuhku...

Labo melebesa...
Adina ningku pertibi enda kam me bintangna agi...
Adi Monalisa...
Pantas kam jadi agina...

Reff:

Tugu Monas jadi saksina,
sangana ndube kita ngerana...
Sanga aku ku pulo Jawa...
Bicara jarak Medan Jakarta,

asa Perbesi ku Berastagi...
Erdalin pe nggo kudalani...
Kosong waluh sada dua empat kali...
Lima lima lima terkirim berita...

Biring tedeh ateku kena...
La ndekah ertima mis kel ibalasna...
Cirem cirem aku mbaca sms na...
Salam sayang ulanai kam main mata...

La Terampuni

VIDIO:

Senembas enda,kam lanai termaafken...
Bias nggo bias pusuhku rate ceda...
Luka sindekah lenga lit tambarindu...
Tambahindu lalap siman ukuren...

La kurang sabar,aku radumken kena...
Puas nggo puas nimai masa robahndu...
Tapi gundari enggo keri sibarna...
Timbang kayokenndu mama karona...
Salang idah matangku...

[reff]
Lalit ergana ateku keleng man bandu...
Lalit ngaruhna ibas pusuhndu agingku...
La terpegedang arih si enggo ipudun...
Pegedang kin pe pekeri arang nge ngenca...

Pelcik pe ku punjut,banndu nge dalanna pulah...
Ije teku tutus,ije kam erbahan ulah...
Emaka siranglah sirang kita,aku la ngasup nde biring i pedua-duandu...
Dibata banci kam maafkenNa,tapi bas aku makarondu lanai lit ampunen...

KENA LA SEH

Ija nge salahna,ija kin lepakna...

Lalap lenga jumpa ate ngena...

Labo min ateku,milih-milih rupa...

Lit ka kin pe rusur rongketna...

Piga nggo kusungkuni,pusuh lalap la ngaloi...

Mbiar kal aku pepagi,lalap la meteh mehuli...~

Kudahi kel ndube,calon permen nande...

Kenjulu nari ku kenjahe...

Kena-kena la seh,bagem lalap jine...

Erkuan lenga erpengue...

Merupa tapina perkisat,mejingkat tapi seh rambitna...

Metami tapina perkadap,mehamat tapina pergelut...~

[reff]

Merupa mejingkat metami mehamat...

Lanai bo tehsa man daramen...

Perkisat merambit perkadap pergelut...

E tuhu seh kal nge teremna...~

O teman senina,sampati sitik aku...

Ntah lit idahndu kataken lah man bangku...

Turang sienterem apai nge kena sada...

Labo mehangke diheri sitik aku...~

Calon permen nande kusikken kari bangku...

Gelah kudahi kam dung peranin e...

Perkisat merambit perkadap tah pergelut...

Pe labo dalih di seh nge perkelengndu...~

Seh Manis Na

Manis kel kena,seh manisna...

Turang mama karo,jantung hatiku...

Lalap kuterbayang,suari berngi...

Nginget-nginget kena,ateku jadi...

Oh turang mama karongku...

Oh turang jadi ateku

[reff]

Entebu gula jawa,manis seh manisna...

Roti sarikaya,manisen kuakap kena...

Mehaga baju raja,emas ras permata...

Tunggung seh tunggungna,tunggungen pake kena...

O turang mama karongku...

O turang jadi ateku...

O turang keleng ateku...

O turang jadi ateku...

Terpan Luah

Enggo seh nande biring,tenahndu bangku...

Reh kam kurumah kostku,mama karo nindu...

Bagem smsndu man bangku...

La nggo erleka gelarndu ibas pusuhku...

Rikut tedeh ateku,kudahi kena kukota medan...

Lanai kueteh mela...

Gia cur-cur panasku...

Perban riahna ukurku jumpa ras kena

[reff]

Ongkos kin pe kupinjam,sambar gegeh kuban galarna...

Mela la tampil mela,gelah nggo jumpa ku ras kena...

Bage kin di ngayak-ngayak,ateta ngena

Tapi turang luah sikubaba...

La kepe bagi siarapken kena...

Kuakap kepe ngenca enggo mehaga...

Bas kena nande biring,biasa-biasa saja...

Luah sipadan bandu,aku mulihi mansa...

Lasam nande biring,adi la rasam...

Nggo terpan luah kepe mama karondu.......

Lirik Lagu

LIRIK LAGU KARO - Gundaling Berastagi

LIRIK LAGU KARO Rudang Mayang

LIRIK LAGU KARO - Terbeluh Nuri-Nuri

Pedah Man Ate Ngena - lirik lagu karo

LIRIK LAGU KARO - Si Kacang Koro

LIRIK LAGU KARO - MBIRING MANGGIS (Cipt: Tumtam Tarigan)

LIRIK LAGU KARO - BERAS PIHER

LIRIK LAGU KARO - Sarudung Erdoah-Doah

LIRIK LAGU MBABA KAMPIL (Cipt: Djaga Depari)

LIRIK LAGU KARO SETIA SAMPAI AKHIR

LIRIK LAGU KARO TUGU MONAS - Antha Prima Ginting

LIRIK LAGU KARO - LA TERAMPUNI

LIRIK LAGU KENA LA SEH

LIRIK LAGU KARO - SEH MANISNA

Lirik Lagu Karo - TERPAN LUAH

Popular Posts

Arsip Blog